Шууд Chart

Хятад улс АНУ-д үйлдвэрлэсэн иргэний хиймэл дагуул ашигласаар байна

2019-04-24 12:59:52

АНУ Хятадын талд технологийн тоног төхөөрөмж худалдахыг хориглосон хэдий ч тус улс АНУ-д үйлдвэрлэсэн иргэний хиймэл дагуул ашиглах аргыг олжээ. 

Тодруулбал, Бээжин нь оффшор фирмийн сүлжээ, сансрын аппаратуудын эзэмшигчдийн тусламжтайгаар есөн хиймэл дагуул авсан байж болзошгүй гэжээ. Энэ схемд “Боинг” компани болон “Карлил Групп” санхүүгийн байгууллага оролцсон гэж “The Wall Street Journal” баталж байна.

Зарим шинжээчид, салбарын төлөөллийн тэмдэглэснээр Хятад улс Америкийн хиймэл дагуулын техникийн боломжийг олон жил ашиглаж байгаа гэнэ. Хятадууд алслагдмал газар нутагт сүлжээ нэвтрүүлэх, Хятадын Ардын чөлөөлөх армийн хүчийг бэхжүүлэх, Өмнөд Хятадын тэнгис дэх цэргийн анги нэгтгэлийн харилцаа холбоог сайжруулахад эдгээр хиймэл дагуулыг ашиглаж байсан гэжээ.

АНУ-д одоо мөрдөгдөж байгаа хуулиар бол Хятадад иргэний хиймэл дагуул худалдаалахыг хориглодог. Гэвч одоогийн энэ хуулиар аль хэдийнэ тойрог замд гаргасан хиймэл дагуулыг Хятад улс ашиглаж болохгүй гэсэн хууль байдаггүй юм байна.

Нийтэлсэн: Mонголын радио

Хятад улс АНУ-д үйлдвэрлэсэн иргэний хиймэл дагуул ашигласаар байна   
Үзсэн: 196 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй