Шууд Chart

Архангайн театрын барилгын ажлыг эрчимжүүлж, ашиглалтыг сайруулах талаар чиглэл өглөө

2019-06-18 12:36:06

Монгол Улсын Их Хурлын гишүүн, Засгийн газрын гишүүн, Боловсрол, соёл, шинжлэх ухаан, спортын сайд Ё.Баатарбилэг Архангай аймагт ажиллалаа.

Эрдэнэбулган сумын хоёрдугаар сургууль дээр аймгийн төвийн сургуулиудын багш нарын төлөөлөлтэй уулзаж, салбарын бодлого, үйл ажиллагаа болон Монгол Улсын Үндсэн хуульд оруулах нэмэлт, өөрчлөлтийн төслийн талаар мэдээлэл хийлээ.

Мөн Өсвөрийн даамчдын Улсын аварга шалгаруулах тэмцээнд тэргүүлж, Азийн аваргад оролцох эрхээ гардан авсан тус аймгийн баг тамирчдад баяр хүргэж, дэмжлэг туслалцаа үзүүлэв.

 

Дараа нь Архангайчуудын олон жил хүлээж буй барилгуудын нэг Хөгжимт драмын театрын шинэ барилгын ажлын явцтай танилцаж, "Акми холдинг" ХХК-ийг гүйцэтгэлээ эрчимжүүлж, ондоо багтааж дуусгах ажлын график боловсруулж, танилцуулах үүрэг өглөө. Мөн театрын барилгын ашиглалтыг сайжруулах боломжуудыг судлах, байгууллагын ажилчдын хүүхдийн цэцэрлэгийг багтааж болох талаар тооцоо судалгаа хийхийг орон нутгийн холбогдох албаныханд даалгав.


Архангайн театрын барилгын ажлыг эрчимжүүлж, ашиглалтыг сайруулах талаар чиглэл өглөө  
Үзсэн: 116 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй