Шууд Chart

“Зүүн бүсийн хурд-2019” наадам Дорнод аймагт болно

2019-07-17 16:43:53

“Зүүн бүсийн хурд-2019” наадам энэ сарын 27-28-нд Дорнод аймагт болно. Тус наадмын хүрээнд Ардын хувьсгалын 98 жилийн ой, Дорнод аймаг байгуулагдсаны 88 жилийн ойн баяр наадмыг тэмдэглэх аж.

Дорнод аймгийн Засаг даргын Тамгын газар, дээрх баяр наадмыг зохион байгуулах хороо, Монголын морин спорт, уяачдын холбооны Дорнод аймаг дахь салбар “Зүүн бүсийн хурд-2019” наадмын логоны уралдаан зарласан бөгөөд Улаанбаатар хотын оролцогч, дизайнер Г.Баясалын бүтээл шалгарсан байна.

Өнгөрсөн жил “Зүүн бүсийн хурд-2018” наадам Сүхбаатар аймгийн Дарьганга суманд долоодугаар сарын 27-29-нд болсон.

Уг уралдааныг үзэхээр 30 мянга гаруй хүн 6500 орчим тээврийн хэрэгсэлтэй ирж байжээ. Тухайн жилийн уралдаанд газар газраас ирсэн 1550 алтан туурайт шандас сорин уралдсан байна.

Тодруулбал азарга 233, их нас 315, соёолон 194, хязаалан 248, шүдлэн 246, даага 180, эрлийз дээд 51, эрлийз дунд 52, эрлийз 31 гэсэн тооны хурдан буян хөх тэнгэрт тоосоо өргөжээ.

Нийтэлсэн: У.Баярсайхан

“Зүүн бүсийн хурд-2019” наадам Дорнод аймагт болно  
Үзсэн: 758 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй