Шууд Chart

Улсын хэмжээнд 2019 оны эхний хагас жилд 38084 эх амаржжээ

2019-07-20 13:10:24

Улсын хэмжээнд 2019 оны эхний хагас жилд 38084 эх амаржиж, 38361 хүүхэд төрүүлсэн нь өмнөх оны мөн үеэс амаржсан эх 29 (0.1хувь)-өөр, төрсөн хүүхэд 50 (0.1хувь)-иар тус тус өсжээ.

Нас баралт 8523 болж, өмнөх оны мөн үеэс 7 (0.1хувь)-оор нэмэгджээ.

Энэ оны эхний хагас жилд 1000 хүнд ногдох төрөлт 11.7, нас баралт 2.6, ердийн цэвэр өсөлт 9.1 байна.

Зураг: 1000 хүнд ногдох төрөлт, нас баралт, ердийн цэвэр өсөлт/ жил бүрийн эхний хагас жилийн байдлаар

Өмнөх оны мөн үеэс 1000 хүнд ногдох төрөлт 0.2 пункт, нас баралт 0.1 пункт, хүн амын ердийн цэвэр өсөлт 0.1 пунктээр буурсан байна.

1000 хүнд ногдох төрөлт Улаанбаатар хот болон Баян-Өлгий, Ховд, Баянхонгор, Орхон аймагт улсын дунджаас 0.1-2.2 пунктээр дээгүүр, Говьсүмбэр аймагт улсын дундажтай ижил түвшинд, бусад аймагт 0.1-6.2 пунктээр доогуур байна.

1000 хүнд ногдох нас баралт Улаанбаатар хот болон Баян-Өлгий, Говь-Алтай, Завхан, Увс, Архангай, Баянхонгор, Хөвсгөл, Дорноговь, Сүхбаатар аймагт улсын дунджаас 0.1-0.4 пунктээр дээгүүр, харин Өвөрхангай, Дундговь аймаг улсын дундажтай ижил түвшинд, бусад аймагт 0.1-1.2 пунктээр доогуур байна.

Хүн амын ердийн цэвэр өсөлт Улаанбаатар хот болон Баян-Өлгий, Ховд, Орхон, Говьсүмбэр, Дорнод аймагт улсын дунджаас 0.1-2.0 пунктээр дээгүүр, харин Баянхонгор, Өмнөговь аймаг улсын дундажтай ижил түвшинд, бусад аймагт 0.4-6.1 пунктээр доогуур байна.


Улсын хэмжээнд 2019 оны эхний хагас жилд 38084 эх амаржжээ  
Үзсэн: 156 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй