Шууд Chart

Хатагтай Маниша Сингх тэргүүтэй төлөөлөгчдийг хүлээн авч уулзав

2019-08-14 10:21:19

Гадаад харилцааны сайд Д.Цогтбаатар АНУ-ын Төрийн Департаментын Эдийн засаг, бизнесийн асуудал хариуцсан туслах Төрийн нарийн бичгийн дарга Хатагтай Маниша Сингх тэргүүтэй төлөөлөгчдийг 2019 оны 8 дугаар сарын 13-ны өдөр хүлээн авч уулзав.

Монгол Улсад өрнөсөн ардчилал, зах зээлийн эдийн засагт шилжих шилжилтийн үйл явц, шилжилтийн үеийн хүндрэл бэрхшээлийг даван туулахад АНУ-ын зүгээс үнэтэй хувь нэмэр оруулсныг Гадаад харилцааны сайд онцлоод, хоёр улсын  харилцаа, худалдаа, эдийн засгийн асуудлаар байр сууриа илэрхийллээ.

Түүнчлэн, АНУ-ын Конгресс “Гуравдагч хөршийн худалдааг дэмжих тухай хууль”-ийг хэлэлцэн батлах нь Монгол Улсын хувьд эдийн засгаа төрөлжүүлэх, экспортын бүтээгдэхүүний тоо хэмжээг нэмэгдүүлэх, улмаар боловсруулах үйлдвэрлэлээ хөгжүүлэхэд чухал ач холбогдолтойг дурдав. Мөн Монгол Улсын Ерөнхийлөгч Х.Баттулгын АНУ-д хийсэн айлчлалын үеэр хоёр орны харилцаа Стратегийн түншлэлийн түвшинд хүрснийг тунхаглан зарласныг тэмдэглэж,, цаашид АНУ нь манай улсын худалдааны чухал түнш, томоохон хөрөнгө оруулагч байхын ач холбогдлыг тэмдэглэв.

АНУ-ын Төрийн Департаментийн туслах Төрийн нарийн бичгийн дарга Хатагтай Маниша Сингх хоёр орны харилцаа, худалдаа, эдийн засгийн асуудлаарх Гадаад харилцааны сайд Д.Цогтбаатарын байр суурьтай санал нэг байгаагаа илэрхийлж, цаашид хамтын ажиллагаагаа өргөжүүлж, Монголын талын санал санаачилгыг дэмжин ажиллахаа тэмдэглэв.


Хатагтай Маниша Сингх тэргүүтэй төлөөлөгчдийг хүлээн авч уулзав  
Үзсэн: 133 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй