Шууд Chart

Ё.Батмөнх: Би нийтийн дууг орчин үеийн хэмнэлээр дуулахыг хичээдэг

2019-09-24 11:06:59

МУСТА, дуучин Ёндонгийн Батмөнх ирэх аравдугаар сарын 29-нд “Болор сарны аялгуу” нэртэй бие даасан анхны тоглолтоо “Улаанбаатар палас”-ын концертын их танхимд хийх гэж байна.

Энэ талаар эрхэм уран бүтээлчээс цөөн асуултанд тодруулга авсан юм.

-Тоглолтынхоо талаар тодорхой мэдээлэл өгнө үү. Хэдэн бүтээл дуулагдах вэ. Урилгаар хэн хэн оролцох вэ?

-Энэ миний бие даасан анхны тоглолт. МУСТА Д.Баасандарж, Б.Батболд, Л.Нарантуяа, П.Бат-Ундрах, Н.Мѳнгѳнхонх нар хамтарч ая дуугаа өргөнө. Мөн “Сарны чулуу” чуулгын хамт олон урилгаар оролцоно. Нийт 19 дуу эгшиглэнэ.

-Бусад дуучны тоглолтоос юугаараа онцлог болох вэ?

-Маш орчин үеийн шийдэл, тайз, дэлгэц ашиглагдана. Миний дууны ихэнхи нь хэмнэлтэй болохоор шоу агуулгатай хийхээр тѳлѳвлѳж байгаа.

-Тоглолтоо яагаад ингэж нэрлэсэн юм бэ?

-“Болор сарны аялгуу” нэртэй дуугаараа нэрлэсэн.

-Хэдэн оноос дууны уран бүтээл хийж эхэлсэн бэ?

-2009 оноос уран бүтээлийн гараагаа эхэлсэн. Тэгэхдээ нийтийн дууг орчин үеийн хэмнэлээр дуулахыг хичээж байна. Харин СУИС-д 2003 онд элсэн орондоо бүжгийн ангид сурч байлаа.

-Бүжигчин болох гэж байсан залуу яаж яваад дуучин болов оо ...?

-Тэр үед дуулаачийн анги дүүрсэн байсан учир дараа жил нь СУИС-ийн харьяа Соёлын дээд сургуул хѳгжийн ангид орсон. Ингээд 2008 онд төгссөн. Миний өөр нэг авьяас төгөлдөр хуур тоглох. Үүнийг би тун сайн тоглодог гэж боддог шүү.

-Ярилцсанд баярлалаа.

Нийтэлсэн: У.Баярсайхан

Ё.Батмөнх: Би нийтийн дууг орчин үеийн хэмнэлээр дуулахыг хичээдэг  
Үзсэн: 309 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2019-09-26 12:11
Bayr hvrgie naizdaa zaawal ochij vznee
Зочин [127.0.0.xxx] 2019-09-25 22:24
Нутгийн дуучин дүүдээ баяр хүргэж тоглолтонд нь амжилт хүсье.Урлагийн Янжинлхам бурхан үргэлж ивээж явах болтугай.

Бидэнтэй нэгдээрэй