Шууд Chart

Киргизийн багийн товч танилцуулга

2019-10-14 15:14:17

2022 оны ДАШТ, 2023 оны Азийн АШТ-ий урьдчилсан шатны "F" хэсэгт ѳрсѳлдѳж буй Монголын шигшээ баг дѳрѳв дэх тоглолтоо Киргизийн эсрэг маргааш хийхэд бэлэн болоод байна.

Иймд манай улсын эсрэг багийн талаар товч өгүүлье.

-Киргизийн үндэсний шигшээ баг өдгөө дэлхийн чансааны дээд амжилтдаа хүрээд байна.

-Гурван хоногийн өмнө буюу талбайдаа Мьянмарын шигшээг 7:0-ээр хожсон нь Киргизийн багийн хамгийн олон гоолоор хожсон тохиолдол болсон.

-Мьянмарын хаалганд Хэттрик хийсэн /3 гоол/ Эдгард Андреевич Бернхардт нь Киргиз, Герман гаралтай хөлбөмбөгчин юм. Тэрбээр Герман, Польш, Голланд, Финлянд, Оман, Тайланд, Малайз зэрэг улсад тоглож явсан туршлагатай.

-Киргизийн шигшээ баг 2012 /199/-2018 /91/ оны хооронд дэлхийн чансаагаа 108 байр ахиулсан.

-2019 оны Азийн аваргын шилдэг 16-д үлдсэн ч АНЭУ-д нэмэлт цагт 3:2-оор хожигдож байв.

-Азийн АШТ-ий шөвгийн 16-д тоглосон АНЭУ-ын эсрэг тоглосон гарааны тоглогчдоос Валерий Кичин, Тамирлан Козубаев, Хайрат Жыргалбек, Бекжан Сагынбаев, Эдгар Бернхардт, Фархат Мусабеков, Мирлан Мурзаев /АНЭУ-ын эсрэг гоол оруулсан/ гэсэн долоон тоглогч энэ сарын 10-нд Мьянмартай хийсэн тоглолтыг гарааны бүрэлдэхүүнээс эхлүүлсэн.

-Киргиз 7:0 Мьянмар тоглолтод оролцсон Киргизийн шигшээ багийн гарааны бүрэлдэхүүний дундаж нас 24 байв.

-2017 онд Монгол-Киргизийн шигшээ багууд тоглож "Цагаан бүргэд"-үүд 3:0-ээр хожиход, одоогийн шигшээ багийн гарааны тоглогч Бекжан Сагынбаев нэг гоол оруулж байжээ.

 

Нийтэлсэн: У.Баярсайхан

Киргизийн багийн товч танилцуулга  
Үзсэн: 266 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй