Шууд Chart

Шатарчин эгч, дүүс АНУ-д хошуучилжээ

2019-11-07 17:54:32

Манай өсвөрийн шатарчин эгч дүү гурав болох Даваахүүгийн Мөнхзул, Хонгорзул, Өнөзул нар энэ сарын 1-нээс 3-ны өдрүүдэд АНУ-ын Лос Анжелес хотноо болсон олон улсын шатрын “Лос Анжелес Опен” тэмцээнд тэргүүлжээ.

Эгч дүүсийн том нь болох Д.Хонгорзул энэ тэмцээнд нэгдүгээр байр эзэлсэн бол дундах дүү Д.Мөнхзул өндөр чансаатай шатарчдын ангилалд амжилттай оролцсон байна. Харин тэдний аав МШХ ны удирдах зөвлөлийн гишүүн Г.Даваахүү  уг олон улсын тэмцээний сонирхогчдын ангилалд хоёрдугаар байранд оржээ.

Тэмцээний өндөр чансаатай буюу 2050 дээш чансаатай шатарчдын ангилалд Дэлхийн шатрын холбооны мастер С.Ган-Од хоёрдугаар байр, 2050 доош чансаатай шатарчдын ангилалд Н.Цогзолмаа гуравдугаар байр, 1850 доош чансаатай шатарчдын ангилалд Спортын дэд мастер Д.Хонгорзул нэгдүгээр байр, 1450 доош чансаатай шатарчдын ангилалд Д.Монголжин нэгдүгээр байр, 1200 доош чансаатай шатарчдын ангилалд Г.Даваахүү хоёрдугаар байр тус тус эзэлжээ.

Нийтэлсэн: У.Баярсайхан

Шатарчин эгч, дүүс АНУ-д хошуучилжээ  
Үзсэн: 194 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй