Шууд Chart

АНУ Сириэс цэргээ гаргаж дуусчээ

2019-12-06 10:19:28

Сирийн хойд бүс нутагт үүрэг гүйцэтгэж байсан цэргүүдээ гаргаж дууссан гэж АНУ-ын Батлан хамгаалахын сайд Марк Эспер мэдэгдлээ. Тэрбээр "Ройтерс" агентлагт өгсөн ярилцлагадаа энэ талаар хэлээд, цэргийн хүчээ багасгаж, сэлгэн байршуулсны дараа 600 цэргийг тус улсад тогтвортой байдлыг хангуулахаар үлдээнэ гэж ярьсан байна. Гэхдээ шаардлагатай бол энэ тоо бага зэрэг хэлбэлзэж магадгүй гэж байна.

Хэрэв НАТО-гийн гишүүн улсууд цэргээ мөн байршуулах юм бол Сирид үлдээх цэргээ 50-аар цөөлөх боломжтой гэж Пентагон төлөвлөж байна. Энэ оны 10 дугаар сард АНУ-ын Ерөнхийлөгч Дональд Трамп Сириэс цэргээ гаргана гэж мэдэгдсэний дараа тус улс Сири дэх цэргийн оролцоогоо хэрхэн зохицуулах нь тодорхойгүй байсан бол Марк Эсперийн яриа үүнд цэг тавихын дохио байх магадлалтай гэж "Ройтерс" агентлаг мэдээлсэн байна.

Цагаан ордны тэргүүн цэргээ татах талаар зарласнаас хойш Конгрессын гишүүд нь энэ шийдвэрийг эрс эсэргүүцсэнээс болж, Дональд Трамп энэ бодлогоо зөөлрүүлсэн гэсэн тайлбар байна. Гэхдээ АНУ-ын тал цэргээ Сирийн хойд бүс нутгаас гаргаж тус улсын газрын тосны нөөц байдаг зүүн чиглэлд байршуулсан. Ингэснээр Сири дэх мянга орчим америк цэрэг 40 орчим хувиар цөөрсөн гэж хэвлэлүүд бичиж байна.

Нийтэлсэн: Mонголын радио

АНУ Сириэс цэргээ гаргаж дуусчээ   
Үзсэн: 296 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй