Шууд Chart

ХЭҮК-ийн ажлын хэсэг Хөвсгөл, Булган аймагт ажиллалаа

2019-12-06 14:07:39

Монгол Улсын Хүний эрхийн Үндэсний Комиссын дарга Ж.Бямбадоржоор ахлуулсан Ажлын хэсэг энэ 7 хоногт Хөвсгөл, Булган аймагт ажиллаж, хүний эрхийн хяналт шалгалт, сургалтуудыг явуулж байна.

Ажлын хэсэг дээрх аймгууд дахь 20 орчим төрийн байгууллагад шалгалт хийж, Жендэрийн эрх тэгш байдлыг хангах тухай хуулийн хэрэгжилтийн нөхцөл байдлыг үнэллээ. Уг хуульд зааснаар бол орон нутгийн өөрөө удирдах байгууллага болон төрийн байгууллагууд, бусад ажил олгогчид нь хөдөлмөрийн орчинд дарамтгүй харилцааг бий болгох, аливаа төрлийн, ялангуяа ажлын байрны бэлгийн дарамт үүсэхээс урьдчилан сэргийлэх нөхцлийг бүрдүүлсэн байх зэрэг үүрэг хүлээдэг билээ.

Энэ мэтчилэн хуулиар хүлээсэн үүргээ хөдөлмөрийн дотоод дүрэм журамдаа тусган мөрдүүлж буй эсэх, жирэмсний амралттай болон хүндэтгэх шалтгаантай ажилтны ажлын байр хадгалагддаг эсэх, жендэрийн тэнцвэртэй байж, ялгаварлан гадуурхалтаас ангид байдаг эсэх, орон нутаг дахь ажилтан, албан хаагчдын санал, гомдол зэргийг тандалт, дүн шинжилгээгээр судалж ажиллаж байна.

Түүнчлэн Хөвсгөл, Булган аймгийн төрийн захиргааны болон нутгийн өөрөө удирдах байгууллагын удирдах албан тушаалтнуудад мэдлэг ойлголт олгох "Жендэр ба Хүний эрх"сэдэвт сургалтыг хийлээ. Мөн 2019 оны 12 дугаар сарын 05-нд Булган аймаг дахь хууль сахиулах байгууллагуудын ажилтан, албан хаагчдад эрүү шүүлтээс ангид байх эрхийн чиглэлээр сургалт явууллаа.


ХЭҮК-ийн ажлын хэсэг Хөвсгөл, Булган аймагт ажиллалаа  
Үзсэн: 197 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2019-12-06 20:43
Ёстой мундаг сайн ажилладаг газар шүү Ажлын амжилт хүсье

Бидэнтэй нэгдээрэй