Шууд Chart

Монгол Улсаас хилийн чанадад томилогдсон ДТГ-ын төлөөлөгчдийг хүлээн авч уулзлаа

2020-01-18 09:14:04

Улсын бүртгэлийн ерөнхий газрын дарга Б.Баасандорж, Иргэний улсын бүртгэлийн газрын дарга Т.Нармандах, Мэдээллийн технологийн газрын дарга Д.Ган-Эрдэнэ нар  /2020.01.17/ Монгол Улсаас хилийн чанадад томилогдсон Ерөнхий Консулуудыг хүлээн авч уулзлаа.

УБЕГ-ын дарга Б.Баасандорж уулзалтын эхэнд Улсын бүртгэлийн байгууллага нь хилийн чанадад ажиллаж байгаа Дипломат төлөөлөгчийн газрын иргэний улсын бүртгэл хариуцсан бүртгэлийн ажилтныг нэгдсэн арга зүйгээр ханган тодорхой зөвлөмж, чиглэл өгөх үүрэгтэй гэдгийг тодотгов. Тэрбээр, өнөөдрийн байдлаар хилийн чанад дахь ДТГ-аас улсын бүртгэлийн 9 төрлийн үйлчилгээг Монгол Улсын иргэнд үзүүлдэг. Иймд иргэний улсын бүртгэл хөтлөхөд холбогдох хууль тогтоомж, эрх зүйн актын хэрэгжилтийг зохих ёсоор хангах, үнэн зөв, бүрэн гүйцэд, эх нотлох баримтад үндэслэн бүртгэл хөтлөхийг анхааран ажиллаж, цаашдын ажилд нь амжилт хүсэв.

БНХАУ-ын Хонконг дахь Ерөнхий Консулын газрын Ерөнхий Консул Г.Жаргалсайхан, БНТУ-ын Истанбул дахь Ерөнхий Консулын газрын Ерөнхий Консул Ш.Хишигсүрэн, ОХУ-ын Кызыл дахь Ерөнхий Консулын газрын Ерөнхий Консул Ч.Ганболд болон АНУ-ын Сан Франциско дахь Ерөнхий Консулын газрын Ерөнхий Консул Б.Ургамалцэцэг бэлтгэл ажлын хүрээнд УБЕГ-ын удирдлагуудтай уулзаж буйдаа баяртай байна гээд цаашид нягт холбоотой ажиллана гэдгийг илэрхийлж байв. Талууд хилийн чанадад буй Монгол Улсын иргэдийн эрх, үүрэг болон эрх зүйн бусад асуудлаар санал солилцлоо гэж УБЕГ-ын Хамтын ажиллагаа, сургалтын хэлтсээс мэдээлэв.


Монгол Улсаас хилийн чанадад томилогдсон ДТГ-ын төлөөлөгчдийг хүлээн авч уулзлаа   
Үзсэн: 258 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй