Шууд Chart

ШУУРХАЙ МЭДЭЭ: БНХАУ чиглэлийн бүх нислэг, галт тэрэгний үйлчилгээг зогсооно

2020-02-13 17:03:17

Засгийн газрын ээлжит бус хуралдаан өнөөдөр болж, маргаашаас эхлэн БНХАУ ба Монгол Улс хооронд зорчдог агаарын тээвэр болон төмөр замаар зорчих хөдөлгөөнөөр аль ч улсын иргэнийг нэвтрүүлэхгүй байх тогтоол гаргалаа. Ингэснээр тус өдрөөс эхлэн хилийн боомтуудаар нэвтрэх хөдөлгөөнийг бүрэн зогсоох юм.

Гэхдээ бараа бүтээгдэхүүний экспорт, импорт хэвийн үргэлжилнэ. Харин БНХАУ-аас гадаадын иргэд Монгол Улс руу нэвтрэх боломжгүй болж байна. Үүнтэй зэрэгцэн Монгол Улсын иргэдийг хүндэтгэх шалтгаангүйгээр хилээр нэвтрүүлэхгүй байхаар шийдвэрлэлээ. Монгол Улсын иргэд хүндэтгэх шалтгаантай бол тусгай чартер нислэгээр татан авах бөгөөд энэ тохиолдолд шаардагдах зардлыг тухайн иргэн өөрөө хариуцаж, ирсэн тохиолдолд тусгаарлана.

БНХАУ-д зайлшгүй шаардлагаар зорчихоор галт тэрэг, онгоцны тасалбар захиалсан бол “МИАТ”, “Улаанбаатар төмөр зам” компани мөнгийг нь ямар нэгэн шимтгэлгүйгээр буцаан олгоно.

Сануулахад, Засгийн газрын өчигдрийн хуралдаанаас гарсан шийдвэрийн дагуу коронавирусний халдвараас сэргийлэх үүднээс төрийн болон хүчний байгууллагууд өндөржүүлсэн бэлэн байдалд шилжээд байна.


ШУУРХАЙ МЭДЭЭ: БНХАУ чиглэлийн бүх нислэг, галт тэрэгний үйлчилгээг зогсооно  
Үзсэн: 2027 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2020-02-13 17:44
owchin garaad sar garan bolj bxad nutagtaa butsaj ireegvi garuudiig oruulj yugaa xiidegiin. xoxino ted nar oorsdoo xariutslagaggvi bol bid nar xalamjlaad yugaa xiideg yum
Зочин [127.0.0.xxx] 2020-02-13 17:30
Зөв
Зочин [127.0.0.xxx] 2020-02-13 17:21
аль 12 сард л ингэх естой байсан ш дээ, хугацаа алдаад

Бидэнтэй нэгдээрэй