Шууд Chart

Иргэд цусаа хандивлах аянд идэвхтэй оролцож байна

2020-02-18 12:03:08

Цус сэлбэлт судлалын үндэсний төвд өдөрт 25-30 хүн ирж цусаа хандивлаж байна. Нэг удаа цус хандивласнаар гурван хүний амийг авардаг гэж тэд ярилаа.

Нийт цусны донорын дийлэнх хувийг их, дээд сургуулийн оюутнууд эзэлдэг. Одоогоор хөл хорио тогтоож, хичээл сургуулийн үйл ажиллагаа зогссон байгаа ч цусны хомсдол үүсээгүй гэдгийг албаныхан хэлж байна. Гэхдээ цуснаас гаргаж авдаг гурван төрлийн бүтээгдэхүүний хадгалах хугацаа богино байдаг. Тухайлбал, ялтас эсийн бүтээгдэхүүнийг тав хоног хадгалах ёстой. Тийм учраас өдөр бүр цус цуглуулах шаардлагатай гэж Цус сэлбэлт судлалын Үндэсний төвийн мэргэжилтэн Дулмаа хэллээ.

Цус сэлбэлт судлалын үндэсний төв суурин гурван төвдөө цусны донор хүлээн авдаг. Үүнээс гадна цус цуглуулах явуулын баг өдөр бүр нэг албан байгууллагад очиж, цус цуглуулж байна. Ингэснээр эмнэлгийн байгууллагуудыг шаардлагатай цус, цусан бүтээгдэхүүнээр тасралтгүй хангаж байгааг албаныхан мэдээллээ. 


Иргэд цусаа хандивлах аянд идэвхтэй оролцож байна  
Үзсэн: 213 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй