Шууд Chart

Засгийн газар маргааш эдийн засгийн хүндрэлүүдийг хэрхэн хохирол багатай даван туулах тухай хуралдана

2020-02-26 17:25:06

Улсын Онцгой Комисс өнөөдөр хуралдаж, дараах асуудлуудыг шийдвэрлэлээ. 

1. Улс, хот хоорондын зорчигч тээвэр, суудлын галт тэрэг, орон нутгийн хуваарьт нислэг, хувийн тээврийн хэрэгслийн зорчих хөдөлгөөнийг зогсоох хугацааг 2 сарын 27-ны 08:00 цагаас 3 сарын 3-ны өдрийн 08:00 цаг хүртэл сунгалаа. Мөн Нийслэл хот дотор үйлчлэх нийтийн тээврийн хөдөлгөөн дээрх хугацаанд зогсоно.

2. БНСУ-Монгол Улс хоорондын хоёр талын нислэгийг түр зогсоосон хугацааг 2 сарын 27-ны өдрөөс 3 сарын 11-нийг дуустал зогсоолоо.

3. Япон улс-Монгол Улсын хоорондын нийслэгийг 2 сарын 28-наас 3 сарын 11-нийг дуустал түр зогсоолоо.

4. Төрийн албан хаагчдын гадаад орон руу албан томилолтоор зорчихыг 2 сарын 27-ны өдрөөс 3 сарын 30-ны өдрийг дуустал зогсоолоо.

5. БНСУ болон тус улсаар дамжин ирж байгаа гадаад дотоодын иргэдийг хилийн боомтуудаар 2 сарын 27-ны өдрөөс 3 сарын 30-ны өдрийг хүртэл нэвтрүүлэхгүй байх арга хэмжээ авна.

Коронавирусийн халдварт өвчний талаар цахим сүлжээ болон ХМХ-ээр санаатай болон санамсаргүйгээр худал мэдээлэл түгээсэн, коронавирусийн өвчлөл бүртгэгдсэн газраас ирсэн болон аялалын түүх, биеийн эрүүл мэндийн байдлаа хуурамчаар мэдүүлсэн, хууль ёсны шаардлага биелүүлээгүй иргэн, хуулийн этгээд, албан тушаалтанд хариуцлага тооцож ажиллахыг хууль хяналтын байгууллагын удирдлагуудад үүрэг болгов

БНСУ-ын нислэгийг зогсоосонтой холбоотойгоор тус улсад байсан иргэд бусад улсаар дамжих ирсэн тохиолдолд тухайн иргэдийг заавал 14 хоногийн тусгаарлалтад байлгах болно.

Маргааш Засгийн газар эдийн засгийн хүндрэлүүдийг хэрхэн хохирол багатайгаар даван туулах талаар салбарын сайд, агентлагийн дарга нартай хуралдана.

Нийтэлсэн: Эрүүл мэндийн яам

Засгийн газар маргааш эдийн засгийн хүндрэлүүдийг хэрхэн хохирол багатай даван туулах тухай хуралдана   
Үзсэн: 458 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй