Шууд Chart

Бээжин хотын сурагчид биеийн халууныг хянах бугуйвчтай хичээлдээ оржээ

2020-05-12 16:27:01

БНХАУ сүүлийн үеийн дэвшилтэт технологийг шинэ коронавирусний халдвараас урьдчилан сэргийлэх үйлсэд ашиглаж байна. Энэ долоо хоногийн даваа гараг буюу 2020 оны тавдугаар сарын 11-ний өдөрөөс сурагчдын биеийн халууныг хянах, халуун хэвийн хэмжээнээс нэмэгдэхэд дохио өгөх төхөөрөмж суулгасан бугуйвчийг туршиж эхэлсэн байна. Бугуйвчийг Бээжин хотын таван дүүргийн дунд сургуулийн нэгдүгээр ангийн сурагчдад түгээжээ.

Бугуйвч нь ердийн фитнес бугуйвчтай адил бөгөөд сургуулийн багш болон эцэг эхчүүдэд хүүхдийн биеийн халууны талаар мэдээллийг тогтмол өгөх аж. Сурагчийн биеийн халуун 37.2 хэмээс дээш гарахад халуун нэмэгдсэн дохиог багш хүлээн авч, цагдаа болон холбогдох төрийн байгууллагад тэр дор нь мэдээлэх үүрэгтэй юм байна.

Хятад улс энгийн амьдралдаа шилжин орж байгаатай холбогдуулан сүүлийн хэдэн долоо хоногийн турш сургуулиуд үе шаттайгаар нээгдэж байгаа. Бээжин хотын ахлах сургуулийн төгсөх ангийн сурагчид 4 дүгээр сарын сүүлээр хичээлдээ явж эхэлсэн байна.

Өдөр тутам биеийн халууныг хянах, заавал маск зүүх, зай барих дэг журам Хятадын сургуулиудын шинэ хэв шинж болж байгаа талаар тус улсын хэвлэл мэдээллийн хэрэгсэл онцолжээ.

Эх сурвалж: БСШУСЯ


Бээжин хотын сурагчид биеийн халууныг хянах бугуйвчтай хичээлдээ оржээ  
Үзсэн: 204 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй