Шууд Chart

БНСВУ цахим визээр нэвтрэх эрхтэй улсын тоогоо нэмэгдүүлэв

2020-05-29 14:17:35

БНСВУ-ын Ерөнхий сайдын 2020 оны 5 дугаар сарын 25-ны өдрийн шийдвэрээр тус улсад цахим визээр нэвтрэх боломжтой улсын жагсаалтыг шинэчлэн баталсан байна.

2017 онд нийт 40 улсын (Монгол Улс хамаарна) иргэдэд цахим виз олгож байсныг уг шийдвэрээр гадаадын 80 улсын иргэнийг хамруулах, цахим визтэй иргэдийг нэвтрүүлэх хуурай замын болон усан замын хилийн боомтыг нэмэгдүүлэхээр шийдвэрлэсэн байна. Ингэснээр, цахим визтэй гадаадын иргэд Вьетнамын 8 нисэх онгоцны буудал, хуурай замын 16 хилийн боомт, 13 усан замын боомтоор нэвтрэх боломжтой болжээ. Холбогдох жагсаалтыг ЭНД дарж харна уу. 

Уг шийдвэр нь ирэх 7 дугаар сарын 1-ний өдрөөс хэрэгжиж эхлэх юм. 

Цахим визийг https://www.immigration.gov.vn, https://www.xuatnhapcanh.gov.vn/ цахим сайтаар захиална.

Эх сурвалж: Гадаад харилцааны яам, Консулын газар


БНСВУ цахим визээр нэвтрэх эрхтэй улсын тоогоо нэмэгдүүлэв  
Үзсэн: 537 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй