Шууд Chart

Дахин төлөвлөлтөд орсон иргэд шинэ байрандаа орлоо

2020-06-02 10:41:15

Өмнөговь аймгийн хэмжээнд 2018 оноос дахин төлөвлөлтийг эхлүүлж, Даланзадгад сумын ашиглалтын хугацаа дууссан 2, 3, 9-р орон сууцыг буулгасан. Улмаар шинэ орон сууц барих ажил эхэлж, төр, хувийн хэвшлийн хамтын ажиллагааны үр дүнд дахин төлөвлөлтөд орсон анхны байр өнөөдөр ашиглалтад орлоо.

57 жилийн насжилттай, 12 айлын орон сууцыг “Хос бор морь” компани, аймгийн Засаг даргын тамгын газрын хамтын ажиллагааны хүрээнд буулган, 9 давхар, үйлчилгээний төв, пентхаус бүхий, 54 айлын байрыг барьж өнөөдөр хүлээлгэн өгөв. Хуучин амьдарч байсан 12 өрхөд байрны түлхүүрийг нь гардуулж өгсөн ба мкв зөрүүгүй бол ямар нэг төлбөр мөнгө төлөхгүйгээр шинэ байрандаа орж байгаа юм.

Энэ бол Өмнөговь аймагт хийж байгаа дахин төлөвлөлтийн ажлын эхлэл. Цаашид 2, 9-р орон сууцыг нэн яаралтай дуусгаж ашиглалтад оруулна. Мөн ашиглалтын шаардлага хангахгүй орон сууц, барилгыг буулгаж шинээр барих төслийг үе шаттай хэрэгжүүлнэ. Бага дунд орлоготой иргэдийг орон сууцаар хангах, орон сууц худалдан авах боломжгүй бол түрээсийн орон сууц хөтөлбөрт хамруулах ажлуудыг хэрэгжүүлэх юм.

Дахин төлөвлөлтөд орсон иргэд шинэ байрандаа орлоо  
Үзсэн: 324 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй