Шууд Chart

Ахмадууд мэдээлэл технологийн сургалтад хамрагдаж байна

2020-09-18 12:58:32

Монгол Улсын Засгийн газрын 2019 оны 389 дүгээр тогтоолоор батлагдсан “Ахмад настны хөгжил, хамгааллын үндэсний хөтөлбөр”-ийн 5.1.3. ахмад настны насан туршийн боловсролд хамрагдах үйл явцыг дэмжих, чадавхжуулах сургалтад хамруулах замаар шинээр орлогын эх үүсвэр бүрдүүлэхэд дэмжлэг үзүүлэх заалт болон ХНХ-ын сайдын 2020 оны А/47 дугаар тушаалаар батлагдсан “Ахмад настны хөгжил, хамгааллын үндэсний хөтөлбөрийг хэрэгжүүлэх арга хэмжээний төлөвлөгөө”-нд ахмад настны эрэлт хэрэгцээнд суурилсан дахин чадавхжуулах сургалтын модуль боловсруулж, батлуулах арга хэмжээний хүрээнд Сүхбаатар дүүргийн Насан туршийн боловсролын төв дүүргийнхээ Ахмадын хороотой хамтран 2020 оны 9 дүгээр сарын 14-нөөс мэдээлэл технологийн анхан шатны сургалтыг зохион байгуулж байна.

Сургалтаар ахмадуудыг компьютерийн анхан шатны ойлголттой болгох, мэдээлэл технологийн мэдлэг чадварыг нь дээшлүүлэх, веб хөтөчүүдийг бүтээлчээр ашиглах, олон нийтийн цахим сүлжээг хэрэглэж сургах юм. Сургалтад тус дүүргийн 57-84 насны 116 ахмад настан хамрагдаж байна.

Эх сурвалж: БШУЯ


Ахмадууд мэдээлэл технологийн сургалтад хамрагдаж байна   
Үзсэн: 231 Mongolian National Broadcaster  

Анхааруулга:

Та одоогоор сэтгэгдэл бичих боломжгүй байна!
MNB.mn сайтын редакц
Утас: 70127055

Бидэнтэй нэгдээрэй