Шууд Chart

“Ковид-19” халдварын нийт батлагдсан тохиолдол 672 боллоо

2020-11-24 12:30:03

Коронавирусний тархалтын нөхцөл байдлын талаар ЭМЯ-наас өнөөдөр /2020.11.24/ ээлжит мэдээлэл хийлээ.

- 2020.11.22-ны 11:00 цагаас хойш ХӨСҮТ, Сэлэнгэ, Дархан, Орхон, Дорнод лабораториудад 4335 хүнд шинжилгээ хийхэд 32 хүнээс халдвар илэрсэн байна.
- Улаанбаатар хотод илэрсэн тохиолдлын хоёр нь Буянт-Ухаа хорооллын оршин суугч, гурав дахь нь Төмөр замын ӨЭМТ-ийн сувилагч байжээ.

Эдгээр гурван тохиолдлын ойрын хавьтал болох 278 хүнийг олж тогтоон, шинжилгээнд хамруулж эхэлсэн байна.
Мөн Сэлэнгэ аймагт 26, Говьсүмбэр аймагт гурван хүнд /тусгаарлагдсан хавьтлаас/ халдвар илэрчээ. Дархан, Орхон, Дорноговь аймагт халдвар шинээр илрээгүй байна.

Монгол Улсад голомтлон гарсан “Ковид-19” халдварын батлагдсан нийт тохиолдол 235 боллоо. Мөн зөөвөрлөгдөн орж ирсэн нэг тохиолдол нэмэгдсэн байна. Тухайлбал 2020.11.10-нд ОХУ-аас Алтанбулагийн боомтоор орж ирсэн 1 хүний давтан шинжилгээнд халдвар илэрсэн аж.

Ингээд Монгол Улсад батлагдсан нийт тохиолдол 672 боллоо.
 • Улаанбаатар -54
 • Сэлэнгэ -124
 • Дархан -20
 • Дорноговь -14
 • Орхон -17

 Өнөөдрийн байдлаар, Улаанбаатар хотод дараах дүүргийн хороодод халдвар гараад байна.

 • БЗД-ийн 4, 10-р хороо
 • СБД-ийн 16, 18, 13-р хороо
 • БГД-ийн 18, 1, 4, 6-р хороо
 • СХД-ийн 7, 19-р хороо
 • ХУД-ийн 21, 16, 10-р хороо
 • Багануур дүүргийн 4-р хороо
 • ЧД-ийн 19-р хороонд байрладаг иргэдээс халдвар гарсан байна.

Тухайн хаяг байршилд амьдарч буй хэдий ч гэрээсээ гарч үзвэр үзсэн, хоол идсэн, зарим тохиолдолд мэргэжлийн ажлаа хийсэн буюу бариа засал хийсэн тохиолдол байгаа тул халдварын эрсдэл хаа сайгүй байгааг харгалзан үзэж гэрээсээ гарахгүй байхыг ЭМЯ-наас зөвлөж байна.

Нийтэлсэн: Эрүүл мэндийн яам

“Ковид-19” халдварын нийт батлагдсан тохиолдол 672 боллоо  
Үзсэн: 273 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй