Шууд Chart

Энэтхэгийн компани 4 ам.долларын ухаалаг утас бүтээжээ

2016-02-19 10:46:59

Энэтхэгийн “Рингин Белл” буюу “Жингэнэж байгаа хонх” компани хүмүүсийн хэрэглээнд давамгайлах болсон “ухаалаг” гэгддэг гар утасны хамгийн хямд загварыг бүтээсэн болохоо зарласан байна.

"Ассошиэйтед пресс" агентлагийн мэдээлснээр “Рингин Белл” компанийн танилцуулсан “Freedom 251” ухаалаг гар утас үнэхээр л нэрнийхээ утгатай адилаар хэрэглэгчдэд санхүүгийн эрх чөлөөг нээж, ердөө 4 ам.доллар гэх маш боломжийн үнэтэйгээр зах зээлд борлуулагдах ажээ.

Хамгийн хямд, бат бөх гэгддэг "Nokia" компанийн 3310 утас Монголд өнөөдөр дунджаар 10 мянган төгрөгийн ханштай байгаа бол үүнээс ч хямд үнээр “Freedom 251” шинэ загварын ухаалаг гар утсаа санал болгож байгаа Энэтхэг компанийнхан өчигдрөөс тус утсыг худалдан авах захиалгыг цахим хэлбэрээр авч эхэлсэн байна.

Захиалгын гар утаснууд ирэх зургаадугаар сараас хэрэглэгчдийн гарт хүрч эхлэх юм. Хамгийн хямд үнэтэй гэгдэж байгаа энэ гар утас нь "Apple" компанийн "Iphoe 5" загварын ухаалаг гар утастай эн тэнцүүхэн буюу 1 гигабайтын шуурхай санах ой, өндөр нягтрал бүхий 4 инчийн дэлгэцтэй гэнэ.

Нийтэлсэн: Э.Энхрэл

Энэтхэгийн компани 4 ам.долларын ухаалаг утас бүтээжээ  
Үзсэн: 1639 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй