100 настай япон эмэгтэй 1500 метрийн чөлөөт сэлэлтэд дээд амжилт тогтоожээ

Япон улсын усан сэлэлтийн тамирчин Мико Нагаока хэмээх эмэгтэй 100 насандаа 1500 метрийн чөлөөт сэлэлтийн төрөлд дэлхийн дээд амжилтыг тогтоожээ. Түүний энэхүү амжилтыг Гиннесийн номонд бүртгэх эсэх талаар ярилцаж байгаа аж. Мико 1500 метрийг нэг цаг 15 минутанд туулсан бөгөөд одоогоор түүний амжилттай эн тэнцэх амжилт гараагүй байгаа юм. Мико Нагаока сэтгүүлчдэд өгсөн ярилцлагадаа “Би урт удаан хугацаанд амьдарч, ядахнаа 105 нас хүртлээ усанд сэлмээр байна” гэж ярьсан байна.

Түүнчлэн тэрбээр 100 насныхаа ойд зориулж “Би 100 настай дэлхийн хамгийн идэвхтэй усанд сэлэгч” гэх нэртэй ном гаргажээ.