1000 ингэний ферм байгуулна

Шинжлэх ухааны Академи, Дорноговь аймгийн Засаг даргын Тамгын газар хамтран “Хамтдаа бүтээх таны боломж” шинжлэх ухаан үйлдвэрлэл бизнесийн форумыг энэ сарын 22-ны өдөр Дорноговь аймгийн Сайншанд хотноо зохион байгууллаа. Хурлаар Технологийн инкубатор төвөөс боловсруулж буй туршилт, зүгшрүүлэлт хийгдсэн технологиудыг танилцууллаа.

Мөн ШУА-ийн Хими, хими технологийн хүрээлэнгийн эрдэмтэн Ч.Оюунцэцэг “Эрдэсжилт ба хатуулагтай ундны усыг цэнгэгжүүлж, зөөлрүүлэх судалгааны ажлын танилцуулга” сэдвээр, Сайншанд аж үйлдвэр цогцолборын суурин төлөөлөгч Э.Пүрэв “Сайншанд цогцолборын төслийн суурь судалгааны ажлын явц” сэдвээр тус тус илтгэл тавьсан юм.

Дорноговь аймаг 1000 ингэний ферм байгуулах зорилт тавин ажиллаж буй бөгөөд ингэний сүү боловсруулах тал дээр ШУА-тай хамтран ажиллах тухай санал солилцлоо.