116 автобусыг үйлчилгээнээс хаслаа

Насжилт нь дууссан бага оврын 116 автобусыг орон нутгийн нийтийн тээврийн үйлчилгээнээс хасчээ.

Хасагдсан микроавтобус ихэвчлэн 10-аас дээш жил болсон учраас орон нутагт тээвэр хийх боломжгүй болсон байна. Ингэж насжилт нь дууссан бага оврын автобус зорчигчдын аюулгүй байдалд нөлөөлөх эрсдэлтэй.

Түүнчлэн орон нутагт тээвэр хийж байгаа автобусууд "ЖИ ПИ ЭС" төхөөрөмжөө салгаж, хурд хэтрүүлэх тохиолдол ихэссэн аж. Он гарсаар нийт 94 мянган зорчигч орон нутгийн нийтийн тээврээр зорчсон байна.

Одоогоор нийт 20 жолоочид хариуцлага тооцсон гэж Автотээврийн үндэсний төвийн тээврийн хэлтсийн дарга Ж. Энхбат ярилаа.