12-24 хүний суудалтай тээврийн хэрэгслээс 2000 төгрөг хураана

Засгийн газраас олон улсын болон улсын чанартай зам, замын байгууламжаар зорчиж байгаа тээврийн хэрэгслээс төлбөр авах журам болон төлбөрийн хэмжээг шинэчлэн тогтоолоо.

Тодруулбал,

• 12 хүртэлх хүний суудалтай зорчигч тээврийн хэрэгслээс 1000,

• 12-24 хүний суудалтай тээврийн хэрэгслээс 2000,

• 24-өөс дээш суудалтай тээврийн хэрэгслээс 3000 төгрөгийн хураамж авах юм Ачаа тээврийн хэрэгслийн хураамж тэнхлэг болон бодит жингээсээ хамаарч 2-10 мянга хүртэл байхаар журамд тусгажээ.

Энэ тогтоол гарсантай холбогдуулан олон улсын болон улсын чанартай зам, замын байгууламжаар зорчиж байгаа тээврийн хэрэгслээс төлбөр авах цэгийн байршлыг шинэчлэн тогтоож, Монгол Улсын авто замын сүлжээний зурагт тэмдэглэж, нийтэд мэдээлэхийг Зам, тээврийн сайд М.Зоригтод үүрэг болголоо.