1998 онд "Google" компанийг үүсгэн байгуулжээ

"Google" компанийг 1998 онд үүсгэн байгуулжээ. "Google" нь интернет үйлчилгээ явуулдаг АНУ-ын компани юм. Тус компанийг Ларри Пэйж, Сергей Брин нар Калифорни мужийн Стэнфордын их сургуульд докторын зэрэг хамгаалахаар суралцаж байхдаа анх үүсгэн байгуулсан байна.

Тэд компанийн 14 хувийг эзэмшдэг. 2004 онд тэд тус компанийн төв байрыг Калифорни мужийн Моунтэйн Виүвт шилжүүлсэн байна. Компанийг үүсгэн байгуулах үед Энди Бектолшейм 100 мянган америк долларын хөрөнгө оруулалт хийж байжээ. Тэр үеэс хойш компани зогсолтгүй өргөжсөөр 2016 оны байдлаар 40 гаруй улсад 70 орчим салбартай болсон байна.