200 гаруй айл зөвшөөрөлгүй газар буужээ

Сонгионохайрхан дүүргийн 22 дугаар хорооны нутаг дэвсгэрт 200 гаруй айл зөвшөөрөлгүй буужээ.

Бидний нэрлэж заншсанаар Тахилтын аманд 2003-2008 онд ерөнхий төлөвлөгөө хийж, Тахилтын замын баруун талыг сууршлын бүс болгож, зүүн талыг нь нислэгийн зурвас гэж үзээд хамгаалалтад авсан байдаг.

Гэвч энэ газар 200 гаруй өрх зөвшөөрөлгүй, дур мэдэн бууж хашаа хатгасан байна. Тиймээс нислэгийн бүсэд ороогүй газарт дахин төлөвлөлт хийж, эдгээр өрхийг сууришуулах ажил хийж байгаа тухай Сонгинохайрхан дүүргийн Өмч, газрын харилцааны албаны дарга н.Болорчулуун ярилаа.