2013 оны төсөвт өөрчлөлт оруулах тухай асуудлыг хэлэлцэнэ

Энэ сарын 8-ны өдөр НИТХ-ын Тэргүүлэгчдийн ээлжит хуралдаан боллоо. Хуралдаанаар НИТХ-ын ээлжит бус хуралдаан зарлах тухай асуудлыг хэлэлцлээ. Нийслэлийн ИТХ-ын ээлжит бус 4 дүгээр хуралдааныг 11 сарын 14-ний өдөр хуралдуулж, хуралдаанаар Нийслэлийн 2013 оны төсөвт өөрчлөлт оруулах тухай асуудлыг хэлэлцэхээр тогтоол гаргалаа. УИХ-ын намрын чуулганы 2013 оны 10 дугаар сарын 25– ны өдрийн хуралдаанаар Монгол Улсын 2013 оны төсвийн тодотголыг хэлэлцэн баталсан бөгөөд үүний дагуу нийслэлийн 2013 оны төсөвт өөрчлөлт оруулахаар болж байна.