2019 оны намрын ээлжит чуулганы хугацаанд хийх ажлын төлөвлөгөөгөө баталлаа

УИХ-ын Өргөдлийн байнгын хорооны хуралдаан өнөөдөр /2019.10.09/ болж, хоёр асуудал хэлэлцлээ. Эхлээд, Өргөдлийн байнгын хорооны 2019 оны намрын ээлжит чуулганы хугацаанд хийх ажлын төлөвлөгөө батлах тухай асуудлыг хэлэлцэв.

УИХ-ын гишүүн, Өргөдлийн байнгын хорооны дарга М.Оюунчимэг хийх ажлын төлөвлөгөөг танилцуулснаар уг асуудлыг хэлэлцэхтэй холбогдуулж УИХ-ын гишүүн М.Билэгт, Ё.Баатарбилэг, Д.Мурат, Ц.Гарамжав нар үг хэллээ.

Гишүүд үг хэлсний дараа, төлөвлөгөөг батлах санал хураалт явуулахад хуралдаанд оролцсон гишүүдийн олонхи нь дэмжсэнээр байнгын хороо 2019 оны намрын ээлжит чуулганы хугацаанд хийх ажлынхаа төлөвлөгөөг баталлаа.