21 нас хүрээгүй оюутанд согтууруулах ундаагаар үйлчлэхгүй байхыг уриалав

Энэ жил нэгдүгээр курст суралцаж байгаа оюутнууд 15-16 настай байгаа юм. Иймд аж ахуйн нэгж байгууллагууд хуулиа мөрдөж 21 насанд хүрээгүй хүнд архи, согтууруулах ундаагаар үйлчлэхгүй байхыг Монголын оюутны холбооноос мэдээллээ.

Их, дээд сургуулиуд шинэ жилийн баяр тэмдэглэх нэрээр архидан согтуурч, улмаар оюутнууд хэрэг төвөгт холбогдох нь их байна. Иймд шинэ жилийн баярыг согтууруулах ундаа хэрэглэхгүйгээр зохион байгуулах нь чухал байна гэж Монголын оюутны холбооны нарийн бичгийн дарга Э.Батжаргал хэлж байна.