22 иргэнд албадан ажил хийх ял оноожээ

Шүүхийн шийдвэр гүйцэтгэх тухай хуулийн 96 дугаар зүйлийн 96.4-т заасны дагуу Баянзүрх дүүргийн Засаг дарга нь холбогдох хуульд заасан үүргийн дагуу шүүхээс албадан ажил хийлгэх ял шийтгэгдсэн иргэдийг ажлын байраар хангаж ажиллуулж байна.

2014 онд шүүхээс Баянзүрх дүүргийн нийт 22 иргэнд албадан ажил хийлгэх ял ногдуулсан байна. Өнөөдрийн байдлаар хоёр иргэн нийгмийн тустай хөдөлмөр эрхэлж, шүүхээс ногдуулсан ялыг эдэлж байна хэмээн Баянзүрх дүүргийн Засаг даргын Тамгын газрын Захиргаа хуулийн хэлтсийн хуулийн мэргэжилтэн мэдэгдлээ.