240 хүүхдийн багтаамжтай “Спортын сургууль”-ийн шавыг тавив

Өнөөдөр Өмнөговь аймгийн Даланзадгад хотод 240 хүүхдийн багтаамжтай “Спорт сургууль”-ийн барилгын шав тавих ёслол боллоо. Уг арга хэмжээнд аймгийн Засаг даргын орлогч Д.Нацагдорж, Нийгмийн хөгжлийн хэлтсийн дарга Н. Жамъянхорол, болон Биеийн тамир, спортын газрын хамт олон оролцсон юм.

Тухайн барилгын ажлыг “Сайн констракшн” ХХК гүйцэтгэх бөгөөд барилгын ажилд 2 тэрбум гаруй төгрөгийг зарцуулна. Харин тус хөрөнгийн 500 сая төгрөгийг орон нутгийн төсвийн хөрөнгөөс, үлдэгдэл тэрбум гаруй төгрөгийг 2016 оны төсөвт төлөвлөн батлуулсан байна.