400 гаруй автобусанд GPS суулгажээ

Зам, тээврийн яамны харьяа Тээврийн удирдлага, хяналтын төвийнхөн хот хоорондын зорчигч тээврийн хэрэгслүүдэд GPS системийг өнгөрөгч сараас эхлэн суурилуулж эхэлсэн билээ. Энэхүү төхөөрөмжийн тусламжтайгаар операторууд системд холбогдсон тээврийн хэрэгслийн жолоочтой холбогдон замын байдал, хэдэн км цагийн хурдтай явааг мэдээлэх ач холбогдолтой юм байна. Одоогийн байдлаар 400 гаруй автобусанд GPS суурилуулаад байгаа бөгөөд үүнтэй холбогдуулж аймаг бүрт тээврийн хэрэгслийн удирдлагын төвийг байгуулж байгаа ажээ.