7140 хүн томуу, томуу төст өвчтэй нь оношлогджээ

Улсын хэмжээнд 45 дахь долоо хоногт 152.756 хүн эмнэлэгт ханджээ. Тэднээс 7140 нь томуу, томуу төст өвчтэй гэж оношлогджээ.

Лабориторит суурилсан тандалтаар нийт 113 сорьц хүлээн авч, шинжилгээ хийхэд 9 сорьцод томуугийн вирус илэрчээ. Эдгээрээс 5 сорьцод томуугийн А вирус, 3 сорьцод A (H3N2), нэг сорьцод цар тахлын A (H1N1) вирусын ген тодорхойлогджээ. Сорьцуудаас түүвэрлэн сонгосон 15 сорьцод шинжилгээ хийхэд 6 сорьцод иж томуу вирус, нэг сорьцод аденовирусын ген илэрсэн байна.