890 иргэн хүнсэнд хорджээ

Шавьжны хортой, хүнсний хөлдөөсөн бүтээгдэхүүн хэрэглэсэн 900 орчим хүний бие муудсан тухай Японы албаны хүмүүс мэдэгдэв.

Бөөлжиж, гүйлгэн, гэдэс нь өвдсөн 890 оршин суугч 46 мужийн эмнэлэгт хандсан байна.
Тэд “Марүха Ничиро” хүнсний үйлдвэрээс өнгөрсөн долоо хоногт эгүүлэн татсан хүнсний хөлдөөсөн бүтээгдэхүүнийг хэрэглэсэн аж. Манай зарим бүтээгдэхүүнээс шавьжны хор илэрсэн гэж тус компани мэдэгджээ.
Эрүүл мэндийн асуудал шавьжны хороос улбаатай эсэхийг эрүүл мэндийн албаны хүмүүс шалгаж буй бөгөөд хэрэглэгчдийг авсан бүтээгдэхүүнээ үйлдвэрлэгчид нь буцаахыг уриаллаа хэмээн NHK телевиз мэдээллээ.