90 гаруй төрийн алба хаагч тангараг өргөжээ

Өнөөдөр ХАХНХЯ болон Хүүхдийн төлөө үндэсний газар, Нийгмийн даатгалын ерөнхий газар, Халамж үйлчилгээний ерөнхий газрын 90 гаруй албан хаагч Төрийн албан хаагчийн тангарагаа өргөлөө. Төрийн жинхэнэ албан хаагчийн тангараг өргөх ёслолын нээлтэд Хүн амын хөгжил, нийгмийн хамгааллын сайд С.Эрдэнэ оролцож баяр хүргэсэн байна. Тэрээр “Төрд тангараг өргөнө гэдэг бол өөрийнхөө эрхийг тодорхой хэмжээгээр хязгаарлаж, Монгол төрийн өмнө үүрэг, хариуцлага хүлээнэ” гэсэн үг юм. Мөн тангараг өргөж буй албан хаагч, боловсон хүчин залуужиж байгааг онцоллоо.