Агаар бохирдуулагч эх үүсвэрийг тоолно

Нийслэлийн агаарын чанарын алба, “SICA” ХХК гэрээт ажилчидтай хамтран 100 кВт-аас дээш хүчин чадалтай гэрийн зуух, төвлөрсөн халаалтад холбогдоогүй нийтийн байр, аж ахуйн нэгж, ШТС-ууд, авто гараш, угаалгын газар зэрэг хорт утаа ялгаруулдаг эх үүсвэрүүдийг тоолохоор болжээ. Тооллого өнөөдрөөс эхлэж ирэх долоодугаар сарын 10-ныг хүртэл үргэлжлэх юм байна. Агаар бохирдуулагч эх үүсвэрийн энэхүү тооллого Сүхбаатар, Баянгол, Чингэлтэй дүүргээс эхлэв. Дээрх ажлын үр дүнд Агаарын чанарын ухаалаг систем хэрэгжүүлэхээр төлөвлөж байгаа юм байна.