Агаарын бохирдол өнгөрсөн оны мөн үеийнхээс бага байна

Өнгөрсөн долоо хоногт Улаанбаатар хотын хэмжээнд хүхэрлэг хий (SO2), азотын давхар исэл (NO2), нарийн ширхэглэгт тоосонцор (PM2.5), том ширхэглэгт тоосонцор (PM10)-ын хэмжээ хүлцэх дээд хэмжээнээс их ч, өнгөрсөн оны мөн үетэй харьцуулахад бага байсныг Агаарын чанарын албанаас мэдээллээ.

Агаарын чанарын үзүүлэлтийг байршлаар нь авч үзвэл, гэр хороолол орчмоос бусад газарт “Бага”, “Дунд” зэргийн бохирдолттой, гэр хорооллын орчимд “Их”, “Маш их” бохирдолттой байжээ.