"Аймаг бүрт 1000 айл орон сууц" хөтөлбөр Дархан-Уул аймагт нээлтээ хийв

Шинэчлэлийн Засгийн газрын 2012-2016 оны мөрийн хөтөлбөрт тусгагдсан "Шинэ бүтээн байгуулалт дунд хугацааны зорилтот хөтөлбөр"-ийн хүрээнд "Аймаг бүрт 1000 айл орон сууц" хөтөлбөр Дархан-Уул аймагт нээлтээ хийлээ.

Тус аймагт эхний ээлжийн 189 айлын орон сууц баригдах бөгөөд барилга угсралтын ажлыг "Бурхантын бүтээн байгуулалтын корпораци" гүйцэтгэж байна. Нээлтийн ёслолд ТОСК-ийн Ерөнхий захирал А.Гантулга, тэргүүн дэд захирал Д.Алтанхуяг, Дархан-Уул аймгийн Засаг даргын орлогч Г.Баянмөнх, "Бурхантын бүтээн байгуулалтын корпорацийн захирал Д.Төмөрбаатар нар оролцлоо.