Ажил хаясан компаниудад шалгалт оруулна

Нийслэлийн өмчит “Улаанбаатар смарт карт” компани автобусны компаниудад орлогыг дутуу хуваарилж байна гэх асуудлаар өчигдрөөс эхлэн хувийн хэвшлийн нийтийн тээврийн үйлчилгээ эрхэлдэг компаниуд ажил хаялт зарласан.

Нийтийн тээврийн салбарт үүсээд байгаа энэхүү асуудлыг өнөөдөр Нийслэлийн удирдах зөвлөл авч хэлэлцээд, Нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөрөөр ахлуулсан нийслэлийн Мэргэжлийн хяналтын газар, Улаанбаатар хотын цагдаагийн газар хамтарсан ажлын хэсэг гаргаж, ажил хаясан компаниудад шалгалт оруулахаар боллоо.