Ажилтнаа зодсон даргыг ажлаас чөлөөлнө

Нийслэлийн Боловсролын газрын орлогч дарга Х.Батбаяр тус газрын технологийн хэлтсийн мэргэжилтэн Г.Амарсанааг зодож, хүнд гэмтээсэн тул Нийслэлийн Удирдлагын зөвлөлийн хурлаар авч хэлэлцэн ажлаас халахаар болжээ.

Нийслэлийн Удирдлагын зөвлөлийн 10 сарын 24-ний ээлжит хуралдааны үеэр Нийслэлийн боловсролын газрын дарга Ц.Отгонбагана “Ийм явдал болсон нь үнэн. Нийслэлийн Боловсролын газрын орлогч даргаар ажиллаж байгаа Х.Батбаярт хариуцлага тооцож, ажлаас халах арга хэмжээ авна” гэж мэдэгдлээ.