АХБХ-ны клуб лицензжүүлэлтийн цахим сургалт явагдлаа

АХБХ-ны "Клуб лицензжүүлэлтийн сургалт" цахимаар явагдаж, гишүүн холбоодын мэргэжилтнүүд хамрагдсан юм. Монголын Хөлбөмбөгийн Холбооны Гишүүн Байгууллага Менежментийн хэлтсийн дарга О.Аззаяа болон мэргэжилтэн Ц.Оюундарь мөн тус сургалтад хамрагдаж, мэдээлэл авсан юм.

Тус сургалтаар ирэх жилүүдэд клуб лицензийн журам болон АХБХ-ны тэмцээний календарьт орох өөрчлөлтүүдийг танилцуулсан бөгөөд календарьтай холбоотойгоор лицензийг баталгаажуулах болон лицензийн материал бүрдүүлэх хугацаанд өөрчлөлт орсон байна.

Монголын хөлбөмбөгийн холбоо, Азийн хөлбөмбөгийн холбооны гишүүн холбоо тул эдгээр хугацааны өөрчлөлтүүд харьяа бүхий клуб, гишүүн холбоодод хамааралтай аж.