“Ахмад настны үндэсний төв”-д 157 иргэн байна

“Ахмад настны үндэсний төв”-д 157 иргэн байна. Тус төв нь тэжээн тэтгэх үр хүүхэдгүй ганц бие ахмад настан, хөгжлийн бэрхшээлтэй иргэдэд асрамжийн үйлчилгээ үзүүлдэг. Жилд дунджаар асрамжийн төвд асруулах хүсэлтэй 40 орчим өргөдөл Хөдөлмөр халамж, үйлчилгээний ерөнхий газарт ирдэг байна. Ахмад настны асрамжийн төвийн хүрэлцээ ямар байгааг Хөдөлмөр халамж үйлчилгээний ерөнхий газрын мэргэжилтэн н.Дэлгэрдалай ярилаа.

1967-2017 оныг хүртэл тэжээн тэтгэх үр хүүхэдгүй нь тогтоогдсон 1305 ахмад настанд төрөлжсөн асрамжийн үйлчилгээ үзүүлсэн байна. Батсүмбэрийн Ахмад настны үндэсний төвөөс гадна Хөвсгөл, Увс, Ховд, Баян-Өлгий, Баянхонгор, Дундговь, Дорнод гэсэн долоон аймагт ахмад настны асрамжийн газар ажиллаж байгаа юм.