Ахмадууддаа хүндэтгэл үзүүллээ

Иргэний харьяалал, шилжилт хөдөлгөөний ерөнхий газрын дарга Д.Болд тэргүүтэй албаны төлөөлөл Сар шинийн баярыг тохиолдуулан энэхүү албанд залуу нас, мэдлэг боловсрол, авьяас чадвараа харамгүй зориулсан ахмад буурлуудаа хүлээн авч, хүндэтгэл үзүүллээ.

Энэ үеэр ахмадуудад байгууллагын үйл ажиллагаатай холбоотой хууль, журмын өөрчлөлт, хийж хэрэгжүүлсэн техник технологийн шинэчлэлийн талаар танилцуулж, санал сэтгэгдлийг нь сонсов.

Уг хүндэтгэлийн арга хэмжээний үеэр ахмадууд байгууллагын албан хаагчдад юуны түрүүнд албандаа хоёргүй сэтгэлээр хандаж, Монгол Улсын нүүр царай гэдгээ үргэлж санаж явахыг захилаа.