Альцхаймерын эмийг Европын холбоонд хэрэглэхийг зөвшөөрдөггүй

Европын холбооны эмийн зохицуулагч АНУ-ынБиоген болон Японы Эйсай фирмийн бүтээсэн альцхаймерын эмийг хэрэглэхийг зөвлөдөггүй хэмээн мэдэгдлээ.

Тэрбээр, "Эмийн гол орц болох Адуканумаб нь альцхаймерын өвчтэй хүмүүсийн тархинд товруу үүсгэдэг амилоид бета хэмээх уургийг бууруулдаг. Уг эм нь уураг тархины эсийг устгахаас сэргийлж, улмаар өвчний явцыг удаашруулдаг гэж үздэг ч эмнэлзүйн сайжруулалттай холбоо тогтоогдоогүй" гэж онцолсон байна.

Түүнчлэн үндсэн судалгааны үр дүн нь хоорондоо зөрчилдсөн бөгөөд эм үр дүнтэй эсэх нь ерөнхийдөө батлагдаагүй гэжээ.