Амаржих газрынхан ёс зүйд суралцав

Эрүүл мэндийн газрын дэргэдэх Ёс зүйн салбар хорооноос “Эмнэлгийн мэргэжилтний ёс зүйн хэм хэмжээ” сэдэвт нэг өдрийн сургалтыг Завхан аймгийн нэгдсэн эмнэлгийн Амаржих газрын 30 эмнэлгийн мэргэжилтэнд зохион байгууллаа.

Уг сургалтаар ЭМС-ын 2013 оны 446 дугаар тушаал (Эмнэлгийн мэргэжилтний ёс зүйн хэм хэмжээ)“-ын танилцуулга, Хууль, эрх зүй, Эвлэрүүлэн зуучлах ажиллагаа, Төрийн албан хаагчийн ёс зүй, Багаар ажиллах чадвар, Эрүүл мэндийн мэргэжилтний ёс зүйг ажлын хариуцлагатай уялдуулах нь, Эрүүл мэндийн байгууллагын соёл, стресс менежмент, Зөрчилдөөний удирдлага зэрэг хичээлүүд орлоо. Мөн сургалтын дараа Аймгийн Нэгдсэн эмнэлгийн Ёс зүйн хэсгийн хорооноос АХА тэмцээн зохион байгуулж, нэгдүгээр байрт Халдвартын тасгийн сувилагч Д.Дайриймаа, хоёрдугаар байрт Мэдээгүйжүүлэх эрчимт эмчилгээний тасгийн сувилагч О.Амарзаяа, гуравдугаар байрт А.Ариунтуяа нар шалгарлаа.