"Амгалан" дулааны цахилгаан станцад гарсан гэмтлийг хэзээ засварлаж дуусах нь тодорхойгүй байна

"Амгалан" дулааны цахилгаан станцад гэмтэл гарч, тус станцаас дулаан цахилгаанаа авдаг айл өрх, албан байгууллагуудын дулаан болон халуун ус тасалдаад байна.

Энэ талаар Улаанбаатар дулааны шугам сүлжээнээс тодруулахад оператор н.Доржханд "Амгалангийн станцад гэмтэл гарсан засварлаж байна. Хэзээ дуусах нь тодорхойгүй байна" гэсэн хариулт өглөө.

Мөн энэ талаар "Амгалан" дулааны цахилгаан станцын ээлжийн инженертэй холбогдоход гэмтэл гарсан, мэдээлэл өгөх боломжгүй байна гэсэн хариултыг бидэнд өглөө.