“Амгалан орчлон-Амгалан Улаанбаатар” гар зургийн уралдааны шагнал гардуулав
“Амгалан орчлон–Амгалан Улаанбаатар” дүрслэх урлагийн баярыг тэмдэглэн өнгөрүүлдэг болсон. Тус баяр энэ сарын 20-нд дөрөв дэх жилдээ зохион байгуулагдлаа.
Мэдээллийн алба
СУИС-ийн Д.Амгалангийн нэрэмжит ДДУС 2016 оноос эхлэн соёл, урлагаар дамжуулан бүх нийтийн гоо зүйн мэдрэмжийг дээшлүүлэх, амьдралын сайн сайханд тэмүүлэх, урлагийн бүтээлийг үнэлэх үнэлэмжийг нэмэгдүүлэх, нийгэмд баяр хөөртэй амьдралыг бүрдүүлэх зорилгоор “Амгалан орчлон–Амгалан Улаанбаатар” дүрслэх урлагийн баярыг тэмдэглэн өнгөрүүлдэг болсон. Тус баяр энэ сарын 20-нд дөрөв дэх жилдээ зохион байгуулагдлаа.
Эл арга хэмжээнд Д.Амгалангийн нэрэмжит ДДУС болон бусад бүрэлдэхүүн сургуулиудын захиргаа, уран бүтээлчид, багш нар, оюутан сурагчид хамрагдав. Мөн ДДУС-ийн мэргэжил тус бүрийн онцлогийг залуус, олон нийтэд сурталчлан таниулах үүднээс үзэсгэлэн, үзүүлэх ажлууд хийж гүйцэтгэжээ.
Үүнээс гадна энэ өдөр СУИС-ийн захирал доктор, профессор Э.Сонинтогос, ДДУС-ийн захирал доктор, дэд профессор Д.Уранчимэг нарын нэрэмжит Гран При шагнал, “Амгалан орчлон-Амгалан Улаанбаатар” сэдвийн хүрээнд ЕБС-ийн сурагчдын дунд зохион байгуулагдсан гар зургийн улсын уралдаан, ДДУС-ийн 1-2, 3-4 дүгээр курсын оюутны дунд зохион байгуулагддаг “Шилдэг бүтээл-2019” уралдаанд тэргүүлсэн оролцогчдод шагнал гардуулах ёслол болов.
