АМГТГ: Өнөөдрийн байдлаар импортоор 53 вагон буюу 3180 тонн АИ-92 автобензинийг өртөөд дээр буулгаж байна

Монгол Улсын хэмжээнд өнөөдрийн байдлаар нийт 53 вагон буюу 3,180 тонн АИ-92 автобензин импортлон орж ирж, холбогдох өртөөд дээр буулгалт хийгдэж байна.

Импортын хуваарилалт

• Толгойт өртөө – 26 вагон

• Рашаант өртөө – 4 вагон

• Замд яваа (Сүхбаатар өртөөнөөс хөдөлсөн) – 23 вагон

Сүхбаатар өртөөнөөс хөдөлсөн 23 вагон дараах өртөөд рүү тээвэрлэгдэж байна.

• Рашаант өртөө – 4 вагон

• Улаанбаатар өртөө – 5 вагон

• Толгойт өртөө – 4 вагон

• Дархан өртөө – 5 вагон

• Сайншанд өртөө – 5 вагон

ОХУ-аас нийлүүлэгдэх АИ-92 автобензиний хэмжээ эрс нэмэгдэж, ирэх өдрүүдэд ердийнхөөс хоёр дахин их хэмжээний импорт хийгдэхээр төлөвлөгдөж байна. Мөн БНХАУ-аас худалдан авч буй АИ-92 автобензиний эхний ачилт өнөөдөр (10 дугаар сарын 27-нд) хийгдэж, Монгол Улсын нутаг дэвсгэрт ирэх лхагва гаригт (10 дугаар сарын 29-нд) орж ирэхээр төлөвлөгдөж байна.