Амралтын өдрүүдэд тэгш, сондгой дугаараар хязгаарлах түр зохицуулалт үйлчилнэ

Сар шинийн баярын өмнөх өдрүүдэд авто замын ачаалал эрс нэмэгддэг тул нийслэлийн Засаг дарга “Сар шинийн баярыг угтсан зарим арга хэмжээний тухай” А/78 дугаар захирамж гаргаж, баярын өмнөх гурван долоо хоногийн амралтын өдрүүдэд автомашины улсын дугаарын сүүлийн оронг тэгш, сондгой ялган замын хөдөлгөөнд оролцуулах түр зохицуулалт хийж байгаа.

Автомашины улсын дугаарын сүүлийн орон тэгш тоогоор төгссөн бол хязгаарлал тогтоосон бүсэд хоёрдугаар сарын 7, 14-ний бямба гарагуудад, автомашины улсын дугаарын сүүлийн орон сондгой тоогоор төгссөн бол хоёрдугаар сарын 8, 15-ны ням гарагуудад өглөөний 10.00-20.00 цагийн хооронд замын хөдөлгөөнд авто замын хөдөлгөөнд оролцоно.

Мөн түр зохицуулалтаар Сонгинохайрхан дүүргийн Саппорогийн уулзвараас Таван шарын уулзвар хүртэлх замд 10:00-20:00 цагийн хооронд авто замын хөдөлгөөнд оролцохыг хязгаарлаж байгаа. Энэ хугацаанд гэр хорооллоос "Нарантуул" олон улсын худалдааны төвийн чиглэлд буухиа автобус иргэдэд үйлчилж байна.