АН-ын бүлэг: Цэцийн шийдвэрийг хүлээн авна

УИХ дахь АН-ын бүлэг өнөөдрийн ээлжит хуралдаанаараа Үндсэн хуулийн цэцийн 05 дугаар дүгнэлтийг хэлэлцээд “Цэцийн шийдвэрийг хүлээн авах ёстой” гэсэн шийдвэрт санал нэгджээ.

Үүний өмнө УИХ дахь МАН-ын бүлэг мөн хуралдаж, Үндсэн хуулийн цэцийн шийдвэрийг хүлээж авах нь зүйтэй гэсэн шийдвэр гаргасан юм. Үндсэн хуулийн цэц дөрөвдүгээр сарын 22-нд хуралдаад иргэн Ц.Намсрай нараас ирүүлсэн УИХ-ын 76 гишүүний 28 нь намын жагсаалтаар сонгогдож байгаа нь Үндсэн хуулийн тодорхой заалтуудыг зөрчиж байна гэсэн мэдээлэл ирүүлснийг хүлээн авсан байсан юм.